How to name it?

எண்ணமெல்லாம் எண்ணிய குறிக்கோளில் இருந்த போது
என்னவெல்லாம் சொல்லி என்னை
உன் பக்கம் திருப்பினாயடா?

கள்ளமெல்லாம் ஏதும் இல்லை
உள்ளமெல்லாம் உன் நினைவே உருத்துதடி என்று பேசி
மெல்ல மெல்ல என்னுள் வந்தாயடா

வாரங்கள் அல்ல வருடங்கள் ஒன்றாய் திரிந்தோம்
பாடங்கள் அல்ல பருவங்களைத் தானே படித்தோம்
மதம் தான் பாதகம் என்றால் நான் மாறி இருப்பேன்
ஆனால் நீ மனம் மாறிவிட்டாயே
ஆசைக் காதலியை சேர்வதை விட
அமெரிக்கா சென்று சேர்வது தான்
அவசியம் என்று ஓடி விட்டாயே!

கடற்கரை மணலில்
கலங்கரை விளக்கம் அருகில் இருந்தும்
வாழ்வில் வழி தெரியாது இருட்டில் தவிக்கிறேன்

அலைகளிடம் ஏதும் சொல்லி அனுப்பினாயா
அவைகள் ஆடம்பரமாய் வந்தாலும்
என்னைக் கண்டதும் அடங்கி விடுகின்றன

கால நேரம் தெரியாது நாம் கதைத்த கதைகள்
காலோரம் கிடக்கும் சங்கில் கேட்கிறது உன்

வரவுக்காக காத்திருந்து நான் கரைந்ததில்
வங்கக் கடலில் உப்பும் கூடி விட்டது

நீ பறந்து போனாய் தெரியும்
கடல் கடந்து போனாய் தெரியும் நம்
காதலையும் கடந்து போய் விட்டாயா?

இரவு நேர ரயில் பயணம்

வழியெங்கும் பின் நோக்கி 
செல்லும் மரங்கள்
செல்லும் ஊவார் எதுவாயினும் 
துணைக்கு வரும் நிலா 
ஜன்னல் கம்பியில் முகம் பதித்து 
வளைவுகளில் ரயிலை முற்றுமாய் காணுதல்
எவ்வளவு இனிமை
இந்த இரவு நேர ரயில் பயணம்
பாலகனாய் இருக்கையில் அன்று
இன்று மனம் நினைப்பதெல்லாம்
செல்லும் இடம் சென்றடைவது எப்பொழுது?

A happy evening...

On a day without rain
First by bike, then the train
Counting the stations
with much patience
Reached the beach
To make the evening a peach

Letting out the kid in me
getting dirty nail to hand
Digging tunnels of sand

Brushing waves made us wet
foot to knee
but gave much glee
and we felt free

Time flew by so fast
started back home
feeling so light
as came the night!

சுதந்திர தின வாழ்த்துக்கள்!

பள்ளி கல்லூரிகள் நிரம்பி வழியும் ஆனால் 
அதிகம் படிக்காதோர் எண்ணிக்கை தாராளம் 
படிப்பைப் பாதியில் நிறுத்தி விட்டு 
சுயதொழில் செய்யும் அண்ணாச்சிகள் 
இன்னும் அச்சில் பதியப்படாத அம்பாணிக்கள் 

வருடத்திற்கு பல லட்சம் பொறியாளர்களை 
ஏற்றுமதி செய்து விட்டு ஏணி போல்
அதே இடத்தில் நிற்கும் ஆசிரியர்கள்

தற்கொலையில் முடியலாம் எனத் தெரிந்தும் துணிந்து
விவசாயம் செய்துக் கொண்டிருக்கும் உழவர்கள்

சாதனை படைக்க துறைகள் பத்தவில்லை என்று
வேதனைப் படும் இளைஞர்கள்

உயிரே போனாலும் உண்மை வழி நடக்கும்
ஊழல் செய்யாத அதிகாரிகள்

மக்கள் உயிரைக் காக்க மனம் தளராது
உழைக்கும் மருத்துவர்கள்

இவர்களால் தான் சுதந்திர இந்தியா மிளிர்கிறது!!

இது எங்க சென்னை

உயிரை விட மயிர் முக்கியம் என்று
தலைக் கவசம் அணிய மாட்டோம் 
சற்று சிரமமாய் இருக்குதென்று 
ஸீட் பெல்ட் அணிய மாட்டோம் 

பச்சை விளக்கு வந்து விடும் என்று
நம்பிக்கையில் கடந்து செல்வோம் 
கடவாதவனை கடிந்து கொள்வோம்

ஒரு வழிப் பாதையில்
ஒய்யாரமாய் எதிர்த்து செல்வோம்
ஒழுங்காய் வருபவனை பற்றி ஓரிரு
பொன்மொழி உதிர்த்து செல்வோம்

இரு கார்களுக்கு உள்ள இடைவெளியை
ஒரு பைக்-கால் அளந்து செல்வோம்

வெள்ளியன்று சனியைக் கூட்ட நடுரோட்டில்
முழு பூசணியைப் பிளந்து போடுவோம்

பளிச்சிடும் உச்ச விளக்கொளி போட்டு
பார்வையை பழுது ஆக்குவோம்

காவல்துறை அதிகாரி வாகனப் பத்திரம்
கேட்டால் காந்தி நோட்டு நீட்டுவோம்

வண்டி ஒட்டிக் கொண்டே கைப்பேசியில்
இதோ வந்துகிட்டே இருக்கேன் என்று
சொல்லி போய் சேர்ந்து விடுவோம்!