அன்னையர் தினம்

அன்னையே உன்னையே எண்ணியே
நான் வடித்த பண்ணையே
படிக்கிறேன் கேள்

கண நேரமே எனை பார்த்தாலும்
என் கண்ணில் பசியோ பயமோ
இன்பமோ துன்பமோ
நீ அறிவாய்

உன் மடியில் நான் உறங்கிய நேரம்
கவலை இல்லாமால் வாழ்ந்த காலம்
தெய்வம் தேவை இல்லை நான்
தாயை வணங்கும் சமயம்

மழையில் நனைந்து நான் வீடு வந்தால்
மற்றவர் என்னை குற்றம் சொல்வர்
பிழை இல்லை உன்மேல் என்று கூறி
என் தலை துவட்டி
மழையை குற்றம் சொல்வாய் நீ

காய்ச்சல் வந்து நான் படுத்தால்
கொதித்து போய் விடுவாய் நீ
என் கண்ணில் தூசொன்று விழுந்தால்
கலங்கி போய் விடுவாய் நீ

இப்படி எல்லாம் எனை
வளர்த்த நீ அங்கே

இங்கே அன்னையர் தினமாம்
உனை கணினியில் கண்டே
வாழ்த்து கூற வேண்டும் இன்று
நானும் கடல்தாண்டி
வாழ்ந்து கொண்டிருக்கிறேன் நன்று!!